طريقة عمل السينابون الحلو بمذاق مميز من اكلات ماما بوسي.
 |
| طريقة عمل السينابون الحلو بمذاق مميز من اكلات ماما بوسي. |
تحضير السينابون بمذاق مميز من اكلات ماما بوسي.
مقادير السينابون :
٣ كوب دقيق
رشه ملح
٢ بيضه + فانيلا
معلقه كبيره خميره + نصف معلقه كبيره سكر + ربع كوب ماء
٢ ونصف معلقه كبيره سكر
٢ ونصف معلقه كبيره زيت
٢ معلقه كبيره زبده طريه
نصف كوب لبن دافي
للحشو :
نصف كوب سكر
وربع كوب قرفه
مكعب زبده
مقادير الصوص الابيض :
٢كوب لبن
١كوب سكر
٦ قطع جبنه كيري
معلقه كبيره زبده
طريقة تحضير السينابون بطعم رائع:
قومي بخلط الذبده والسكر والقرفه والكاكاو واتركيها جانبا.
قومي بوضع الخميره والسكر وربع كوب الماء حتي يخمر ثم ضعي باقي مقادير السينابون في الإناء ماعدا الدقيق.
قومي بخلط المكونات مع بعضها جيدا بواسطة المضرب اليدوي ضيفي كوبان من الدقيق ثم قومي بالعجن جيدا.
ضيفي باقي الدقيق بالتدريج حتي يتكون لديك عجينه ملساء ناعمه.
ضعي العجين في إناء مدهون بالزيت وقومي بتغطيتها وتركها لمدة ساعه حتي يتخمر.
احضري العجين مره اخري وقومي بعجنه مره اخري حتي يخرج الهواء من العجين.
اتركي العجين لمده نصف ساعة اخري حتي يخمر.
ضعي رشة دقيق علي رخامة المطبخ ثم قومي بفرد العجين علي شكل مستطيل وادهني وجه العجين بالذبده والقرفه والسكر .
لفي العجين علي شكل اسطوانه (رول) ثم قطيعها الي قطع متساويه بشكل مناسب.
احضري قالب مدهون ذبده اومفروش ورق زبده قومي برص السينابون في القالب.
ضعي القالب في الفرن لمدة 10 دقائق مع متابعته داخل الفرن علي درجة حراره 180درجه.
طريقة تحضير الصوص:
الاول بنعمل الحليب المكثف
٢ كوب لبن وعليه كوب سكر نضعهم علي نار عاليه إلي ان يغلي ثم بعد ذالك نقوم بتهدأة النار ونقوم بالتقليب جيدا.
الي ان يتقل الصوص ضعي الجبنه الكيري والزبده ومعلقتين لبن سائل ثم قومي بتقليبهم جيدا وبذالك اصبح جاهزا صوص السينابون.
قومي بإحضار السينابون من الفرن واسكبي الصوص الابيض عليه وزينه بصوص الشيكولاته وصوص الكراميل كما تفضلين او قومي بتزينه بالمكسرات.
يمكن حشو السينابون بجبنة كريمي و كاكاو وسكر.
طريقة عمل صوص الكراميل :
كوب سكر
كوب كريمه أو ( كوب لبن دافئ)
ملعقة زبده
رشة فانيليا
طريقة تحضير صوص الكراميل :
ضعي السكر في طاسه علي نار هادئة حتي يتكرمل.
قومي بوضع كوب كريمه علي السكر او كوب لبن دافئ وقومي بالتقليب جيدا اللبن يأخذ وقت اكثر علي النار من الكريمه عندما يثقل الصوص ضعي الزبده.
طريقة عمل صوص الشيكولاته :
نصف كوب لبن
كوب شيكولاته مبشوره
ملعقة زبده
رشة فانيليا
كيس كابتشينو بندق
طريقة تحضير صوص الشيكولاته:
ضعي اللبن يغلي علي النار ثم قومي بوضع الشيكولاته المبشوره وملعقة الزبده والفانيليا وكيس الكابتشينو.
قومي بتهدئة النار علي الصوص حتي يصبح جاهزا.
لعمل السينابون الحادق (اضغط هنا).