طريقة عمل القهوه بكل انواعها بالتفصيل.
الي عشاق القهوه الذين يستيقظون علي ريحة القهوه الي اللذين لا يبدأون يومهم قبل تناول فنجان القهوه اليكم عشر فوائد لتناول القهوه ولاكن دون افراط او تفريط خير الامور الوسط في كل شئ.
 |
| طريقة عمل القهوه بكل انواعها بالتفصيل. |
ها هى 10 فوائد للقهوة :
1- تحسن القهوة صحة الأوعية الدموية .
2- تحسن القهوة مستوى الكولسترول في الدم .
3- تحسن القهوة من نشاطك اثناء التمارين الرياضية .
4- القهوة تقلل من خطر الإصابة بسرطان الكبد وتليفه .
5- القهوة تقلل من خطر الاصابة بمرض السكرى .
6- القهوة تمنع مرض باركنسون . (مرض يؤدي إلى خلل و اضطرابات بداخل النظام الحركي للإنسان) .
7- القهوة تمنع تسوس الاسنان بنسبة 45 % .
8- القهوة تمنع الصداع بنسبة 30 % .
9- القهوة تقلل من الشعور بالتعب و الألم .
10- القهوة تحافظ على بشرتك
واليكم ايضا انواع القهوه وطرق اعدادها :
أنواع القهوه🤎
1 - الحلواني :
لها اسماء اخري مثل السرياقوسي لك كامل الحريه في تسميتها اهم شئ ضبط الطعم بتبقي عباره عن ثلاثة ملاعق من السكر لكل ملعقه من البن.
( 3 سكر : 1 بن )
هذا النوع من القهوه يفضله معظم المبتدأين في تذوقها وغالبية من يحبها هم النساء.
فنصيحه مني ليك مطولش اوي فيها وادخل علي اللي بعديها.
نيجي بقي لتاني نوع الا وهو:
2 - الزياده :
طريقة ضبط القهوه الزياده بتبقي مكونه من
اثنان ملعقه من السكر لكل ملعقه من البن
( 2 سكر : 1 بن )
تاني نوع من القهوه هو اللي يقدر يشدك لعالم ادمان القهوه فانت بتلاقيها عباره عن قهوه مسكره مكسور طعم المراره منها عشان انت لسه مبتدأ متعودتش علي مرارتها.
في ناس بتستمر في شرب هذا النوع من القهوه ويزعلو جدا لو جاتلهم القهوه ناقصه سكر دول نقول عليهم ايه ناس مهتمه بالمظهر مش مهتمين بالجوهر.
تعالي اقولك علي تالت نوع الا وهو :
3 -المانو :
القهوه المانو هيا بتكون وسط بين المظبوط و الزياده ؛طريقة ضبطها ملعقه و نصف من السكر لكل ملعقه من البن.
( 1.5 سكر : 1 بن )
المانو غالبا انت بترجعلها في حالتين إما زهأت من الزياده او عاوز تظبط نفسك واحد واحده عشان تشربها مظبوطه فبتحاول تقلل سكرك تدريجي لغاية ما توصل لطعم المظبوط
القهوه المانو مينفعش تطول فيها كتير عشان ملهاش وصف
دقيق في عالم القهوه والمزاج.
دخلنا علي مرحلة المزاج تعالي اقولك هو ايه :
4 - المظبوط :
طريقة ضبط القهوه المظبوط واحد علي واحد يعني ايه الكلام ده تعالي اقولك يعني ملعقه من السكر لكل ملعقه من البن.
( 1 سكر : 1 بن )
النوع ده بقي متكافأ نسبيا يعني ايه يعني انا عاوز استطعم بالبن مع السكر مفيش حاجه تيجي علي حاجه باستمتاعك بالبن والسكر المتكافئين بتخلق جواك جو من السعاده المفرطه.
نيجي بقي علي مرحلة الادمان ياتري ايه هو النوع ده:
5 -قهوه ع الريحه :
وصلنا للمرحله الاخيره والكبيره في عالم القهوه ياتري هي ايه تعالي اقولك :
6-الساده :
دي بتكون من غير ولا ملعقة سكر
دي بقي مش محتاجه طريقة ضبط دي تجربه مختلفه وجامده لو مش أدها متجربهاش لان الطعم اكبر مما تتخيل.
طريقة التقديم:
تقدم القهوه بجانب الكيك او الشيكولاته او تشرب بمفردها فهي كافيه وبألف هنا.