الفول المدمس من الأطباق الرئيسية التي يحرص أغلب الأشخاص على تناولها في وجباتهم ، لذالك نقدم لكم في السطور الآتيه أسرار تدميس الفول مثل المحلات مع أفضل طريقة لعمله، حتي تحصلي علي طبق فول مدمس علي الاصول لا يقاوم.
 |
| طريقة عمل الفول المدمس مثل العربيات. |
طريقة تدميس الفول.
يعتبر الفول المدمس من أهم البقوليات التي يتم تناولها علي مائدة الطعام الخاصه بك، فهو بديل للحوم وذالك لاحتوائه علي مجموعة متنوعة من العناصر الغذائية فهو مصدر رائع للبروتينات والطاقة، يحسن وظائف الدماغ، غني بالألياف، ومصدر رائع لحمض الفوليك، لهذه الفوائد العظيمه تابعي معي طريقة تدميس الفول مثل العربيات.
المقادير:
- نص كيلو من الفول (يفضل البلدى).
- نص كوب صغير غلة (قمح البليلة) بمقدار ثلاث معالق كبيرة تقريباً.
- كوب صغير من الفول المدشوش.
- معلقة كبيرة صلصة طماطم معلبة.
طريقة تحضير الفول المدمس مثل المحلات :
▪️هنغسل الفول الاول كويس وتغير عليه الميه وبعدين ننقعه فى ميه نضيفة من ١٢ ل ٢٤ ساعة.
▪️هنعمل نفس الخطوات مع الغلة وننقعها ١٢ ساعة.
▪️بعد مرور مدة النقع هنغلى مية ونصفى الفول والغلة ونضيفهم جوة الدماسة على نصين (نص كمية الفول عليها نص كمية الغلة ونص كمية الفول المدشوش "طبعاً مغسول"
وبعدها النص التانى للفول وباقى كمية الغلة والفول المدشوش)
▪️نضيف عليهم الميه السخنه ونحط الدماسة على نار فوق متوسطة لمدة ربع ساعة لغاية ما يبتدى ياخد غلوة.
▪️ثم نقوم بتهدئة النار جيدا ولو فى شياطة ممكن نستعملها ونغطى الدماسة ويترك لحين التسويه.
▪️بياخد تقريباً من ٤ إلى ٥ ساعات ، وهنتابعه كل ساعة ونص لو المية قلت نزود ميه سخنه.
▪️هنختبر حباية فول برة ولما نحس إنه خلاص استوى هنقلب معلقة صلصة كبيرة مع ٣ معالق مية سخنة وننزل بيها فى الدماسة ونقلبهم كويس ونسيبوا ربع ساعة كمان.
◾ملحوظة ..
يمكنك اضافة عدس أو بصل أو ثوم أو طماطم او أي شئ تفضيله علي حسب رغبتك.
اقرأ أيضًا : طريقة عمل البط المحشي.
 |
| طريقة تدميس الفول بالمنزل. |
أسرار عن طعم وقوام ورائحة الفول المدمس.
▪️عمرك سألت نفسك هى ليه فتحة قدرة الفول أو الدماسة ضيقة اوى كده ؟
▪️طب ليه الفول اللى بنعمله فى البيت مهما كلفنا وحطينا خامات مابيطلعش ناعم ولونه فاتح زى بتاع عربيات الفول؟
▪️طب ايه سر ريحة الفول فى المطعم أو عربية الفول وليه بتبقى حلوة اوى وبتشدك من بعيد وانت ماشى فى حالك لا بيك ولا عليك فجأه تلاقى نفسك واقف بتضرب طبق الفول بشكل لا إرادى ؟
اقرا أيضًا : طريقة عمل كرات اللحم المحشية جبن.
اسرار تدميس الفول مثل عربات الشارع.
قشرة الفول عدوها الاول فى السوى هو الهواء ، لأنها ببساطة لما بتتعرض للهوا وهى رطبة بتتأكسد ولونها بيتغير ويبقى غامق ، والاكسدة دى لو حبينا نبسطهالك بمثال هتبقى شبه عملية الصداء اللى بتحصل للمعادن والحديد ، بمجرد ما تيجى عليه مية ويتعرض للهواء يحصله عملية أكسدة وتظهر عليه طبقة بلون مختلف
عشان كده قدرة الفول فتحتها ضيقة جدااا لأن الفتحة دى هى الشباك اللى هيدخل منه الهواء على الفول أثناء عملية التدميس ، فبنحاول نقلل بقدر الإمكان مساحتها عشان نقلل كمية الهواء اللى هيتعرضلها وهتدخل عليه جوه وهو بيستوى.
يبقى لو حبينا نقول سر اللون الفاتح للفول المدمس هنقول إنه لا يتعرض للهواء نهائيًا ولمزيد من التفاصيل عن باقي الاسرار يرجي متابعتة الاتي :
سر اللون الفاتح للفول المدمس.
١- نستخدم الدماسة ومش اى حاجة تانية.
٢- مانفتحش عليه كتير وهو بيستوى على النار.
٣- بعد نقع الفول لاتتركه خارج الماء يتصفى وبعدها ننزله فى الدماسةهذا يجعل القشرة تشرب هواء وطبعا بتسوود مننا فى التسويه ، الصح يطلع من مية النقع وهو مبلول على طول على الدماسة.
٤- لو حابين نضمن النتيجة اكتر هنضيف عصرة ليمون معه أثناء التدميس هتمنع الأكسدة.
اقرأ أيضًا : طريقة عمل الباذنجان بالبشاميل.
السر الذي يجعل الفول المدمس ناعم وطرى؟؟
١- نوع الفول لازم يكون جيد ونختار الحبات المفرودة الفاتحة ونبعد عن الحبات الصغيرة اللى لونها غامق (يفضل الفول البلدي).
٢- مدة النقع لا تقل عن ٢٤ ساعة لأن هذا يعتبر نصف التسوية ولكي نقلل من زمن التسوية على النار ولايظل بالساعات علي النار لأن هذا يجعله عرضه اكتر للشياط.
٣- نار التسوية كل ماكانت هاديه وخفيفة كل ما كان الفول المدمس أطرى وانعم.
ليه بقى الرائحه بتكون في المحلات حلوة وفى البيت لا وكمان قوام المياه بتكون كريمة ومزبدة ؟؟
اقرأ أيضًا : طريقة عمل الكبيبة الشامى.
سر القوام الكريمي للفول المدمس والرائحه الحلوه .
1. نضع مع كل كيلو فول نص كوباية غلة (قمح البليلة) وده سر من اسرار صنعة الفول المدمس في المحلات.
وطبعاً البليلة كمان تتنقع مش اقل من ١٢ ساعة.
2. يضاف كمية من الفول المدشوش عشان تعطي قوام ناعم للمية ولاتكون خفيفة.
3. لو عاوزين المية لونها يبقى احمر هنضيف لكل كيلو ثمرة طماطم واحدة مش اكتر لأنها بتقلل فترة صلاحيته ودى خطوة اختيارى.
4. لو محتاجه تسوي الفول المدمس بسرعه هنحتاج ملعقه صغيرة بيكنج بودر لكل كيلو فول، هتسرع عملية التدميس.
اقرأ أيضًا : نظام غذائي للتخسيس لمدة شهر.
قدمت لكم من مدونة اكلات ماما بوسي طريقة تدميس الفول مع سر التدميس مثل المحلات. بالصحه والعافيه.
وهذا فيديو مقدم من قناة cbc سفرة عن تدميس الفول للشيف نجلاء الشرشابي في المنزل بطريقة أخري.